مجلة السنونو ( العدد العاشر ) - مهجريات سر غابة السماق ( شعر : د. إياد قحوش )

مجلة السنونو ( العدد العاشر ) - مهجريات

سر غابة السماق ( شعر : د. إياد قحوش )

سرّ غابْة السّمَّاق شعر :د. إياد قحوش    وِجِّ الصِّبِحْ إمِّي قالِتْ ياإمِّي الْحَاقْ سِتَّكْ عَلَى التَّلِّهْ الْفَوِق النَّبِعْ الِكْبيْر وْحَوِّشِلْنا سِمَّاقْ فِكَّرْتْ عامَهْلِي بـْ هالـْ بَيتْهاعالتَّلّ وْشِبَّاكْها بِيْضَلّ .. بِيْضَلّ ينْدَهْلي ولَمَّا مْرَقِتْ .. ماكان شِبَّاكْها مَفْتُوحْ لِمَّسْت خَشْباتُو وِتْرَكِتْ عِنْدُو الرُّوحْ وْقَطْفِةْ حَبَقْ شِمَّيْتْ .. تـَ قِلّها مِشْتَاقْ وْرايِحْ أنا بَكِّيْرْ عَ غابْةِ السّمَّاقْ وْهَوْنِيكْ .. بِالْغَابِهْ   زَهْرَهْ بَعِدْ زَهْرَه .. نِتَّفْت هَالزَّهْرَاتْ نِتَّفْتْها وْعَمْ قُولْ: بِتْحِبّني تِخْمِيْنْ وْتِخْمِيْنْ كِذَّابِي وْيِقْطَعْ شْرُودي صَوتْ .. سِتِّي عَمِ تْقِللِّي السِّمَّاق بَعْدُو زْغِيْر  وْبَعْدُن وْرَاقُو رْقاقْ " صَابيعْ ببْيي" وْقاعِدْ أنا وْسِتِّي مِدْرِي أنا وْهِيِّي في غابْةِ السّمَّاقْ قِلْتِلّها: سِتِّي .. شُو الْحُبّ ياسِتِّي؟ قَعْدِتْ عَلَى صَخْرَه وِتْطَّلَّعِتْ لَبْعِيدْ وْطِلِع الصِّبِحْ .. ضَوَّا وْدَحْبَى نْهَار جْديدْ وْضِحْكِت وْقالِتْلِي الحُبّ مِتْل الْعِيد مِتْلِ الشِّتِي بْتِشْرين بْيِنْزُلْ عَ الِعْناقيد وِبْيِمْرُق الْعَصْفور بِيْدُوق خِصْلِهْ دْوَاقْ وَهَبّ الْهَوا شْمَالِي عَ غابْةِ السّمَّاقْ وْراجِع أنا وْسِتِّي وْحامِلْ عَ ضَهْري كيْس حْكاياتْ مَهْجُورَه عَ الحُبّ بِالأسْرار .. وْبِالشَّوق مَصْرُورَه وْحَدِّ الْحَبَق هَوْنيكْ .. عَ َرفّ شِبَّاكا .. المَعْجُوق بِالأحْلامْ حِطَّيْت كِيْسِي وْرِحْت .. تـَ تْزيدْ بالأيام .. حْكاياتْ هَالْعِشَّاق وِنْضَلّ سرّ زْغِيْر عن غابْةِ السّمَّا

WEBMASTER : AA-ALSAAD

This Web Site Programmed and Written By ABD ALMASSIH JAMIL ALSAAD ..... Copyright 2003 (C) SCOPNET  All Rights Reserved