مجلة السنونو (
العدد التاسع ) -
الوطن في عيونهم
|
|
|
جمر
الحنين ( بقلم: اياد قحوش )
|
|
|
جمر الحنين
بقلم: إياد قحوش
رَقّ الحلا ومن رقّتو خايلْ
وشفتِك وراه القمر...
ونْطَرت عابابك
وداخ الوحي عالسطر وتمايَل
ونهنه قصيدة مطَرْ
زَخّتْ على كتابكْ
يا ضيعتي.. كيفِك
وشوقي متل "زعقة" ونزلِت على بالي
يا ضيعتي... بحبِّك
وانهدَ حيط الصبر واندبت عاحالي
يا ضيعتي حنَّيتْ
لترابك البخّورْ
يقدِّس هَوا نيسان
ويشفي جروح الليل
لَخبزك القربان
لَميّــتِك.. طَعمة شفاف الحُور
لجبالك الخضرا... تغازل سما لبنان...
تعرِّم بوجه الشمس وتقلاّ:
هَيْ مرمريتا شهقة الورداتْ... لمّا الندي
بيبوسهن بكّير
هَيْ مرمريتا غنجة النسماتْ... تْدَحبْي
دَلَع ما بين شير وشيرْ
هَيْ مرمريتا تريّة مراياتْ... تشتّي شعر
أشقر عالمشاوير
هَيْ مرمريتا جَوْ وجناحات.. وقولي شو بدّا
بَعد حتى تطير
تاتطير وتعلّي
يا ضيعتي مشتاق بزرار ورد الوفا تا زرّرْ
تيابكْ
يا ضيعتي مشتاق تاصير قوسك أنا وتا صير
نشّابكْ
يا ضيعتي مشتاق تاصير مركب فينيقي يجيب
غيّابِكْ
يا ضيعتي مشتاق يا حوشِكْ بديّي يا يحوشني
ترابِكْ
يا ضيعتي.. كيفك؟
يا ضيعتي بحبك.
يا ضيعتي
يا ضيعتي
***
طريقي إليك يمرُّ بأودية
لا تبين
مغيبة في ضباب التمني وعطر
الحنين
ويُسدل فوق ذراها القصية
ستر حنين
يلملم أستار أصقاعها عن
عيون السنين
نازك
الملائكة
|
|
|
WEBMASTER : AA-ALSAAD
|
|
This Web Site Programmed and
Written By ABD ALMASSIH JAMIL ALSAAD
..... Copyright 2003 (C) SCOPNET All
Rights Reserved
|
ليست هناك تعليقات:
إرسال تعليق