مجلة السنونو (
العدد السادس ) -
شعر محلي
|
|
|
"( جرجي )
وبالعالي ( بيروت )" ( اياد قحوش )
|
|
|
إيـاد قحوَش _ حب نمرة _ مرمريتا
- ما أنتم و"السنونو"
والزجل؟
* "السنونو"
صياد جمال وحسب، وصيده من ينبوع هابط من قمة فكر وعمق قلب.. أو مترقرق وسط بساط
ورد..أو طافح من صدر مثقل بظلم وقهر..
- وما بوصلته الجمالية
الصائبة؟
*
أن تلفحه من النص المكتوب أو المصوت أو المرئي نارُ روح مقدسة تؤول إلى كهربته حتى
البكاء..!!
- إذن.. هاكم (جرجي) وبالعالي (بيروت)..
نهـاد
|
|
|
إنتَ
ورايحْ
من ضيعتنا
بآخرها بتلاقي عينْ عَ جْبينا بتعرّم صخرة مكتوب عليها إسمين (جـرجي) وبالعالي (بيروت) بو جرجي بيّو لجرجي خِتيار وإيدو مقطوعة سكّير مداوم عالشربْ وعاطول الكاسة مرفوعة ومين المابيعرف بوجرجي وكلّ حكاياتو مسموعة صياد كبيرْ ومشهورْ مرة صيّـدْ تسعْ نسورْ ومرة اصطاد تلات نمور ومرة استوحش هيك بيحكوا عنه مرة صيد ضبعة ولبوة ونمرة ونسور المَانّا معدودة وفجأة خانيتو البارودِي وانفجرت واحترقت إيدو ...
وانقطعت
* * *بيقولوا مابكيت عينو سلّـى حالو بغنيّـِي بيقولوا إيد المقطوعة دشّـرْها بالبرّية ومن يوما بو جرجي اتْغيّـر قفّـَل عَ بواب الإحساس بلّـش يسكر خمس ســنين وما دشّــر من إيدو الكاس دشّــر مرتو وإبنو وبيتو دشّـر رفقاتو والناس وما بعّـدْ عن تمّـو الكاس اتْمنى واحد من ضيعتنا يشوفو شي مرّة واعي اتمنى يشوفو ممشّـط شعرو مرة
ونْضيف
الأواعي
* * *صار الخمر يخاوي دمّـو يفيّق بعيونو النسيان وسكرة صحياني تهمّـو وترميه ويبقى نعســـان عندو الكاس بيسوى قلعة ما عندو أغلى من البلعة ويوم الجمعة تسعة حزيران الأسود من عام تنين وتمانين بتوقف سيارة بالضيعة بتسأل عن بو جرجي وين ترجّـل ضابط عَ كتافو معلّق نجمين ونادى : يـــــا بو جرجي وبو جرجي مطنّـش سرحــــان ردّ .. وقلّـو : يابو جرجي |
إبنك جرجي مبارح
كـــان
عَ صدر الجبهة نيشان إبنَكْ جرجي مبارحْ غنّـى خلّـى جبال النار تهزّ بــا س الأرضْ وضمّـا وحنّـى بدمّـو تراب حفاف العزّ إبنك سيف مدافع عنا رمح بصدر العادي انغـزّ إبنك قلعة مجدْ وأعلى ربياني عَ كتاف الريح وعَ مدخل بيروت اتجلّـى مارد أسمر مــا بيزيح إبنك شبّـاك مراجيح تودّي وتجيب عصافير بموجة نور بموجة عزّ بموجة ياسمين وجرجير يعني نحنا كنا زغار ووحدو إبنك كان كبير
بيقولوا
* * *بو جرجي وقتا بلّـش يرجف متل اللمعة بيقولوا هي أول مرة بتنزل من عينيه الدمعة وقـّـف هَـمهَـم غَـمغَـم زمجر كفـّـو تصلّـب زندو تحجـّـر شفافوا انمدّوا عيونوا اتْحدّوا فزّع كلّ الكانوا حدّوا وبلـّش يزأر ويصيح بها العالي ويهدر "جرجي إبني جرجي عيوني جرجي يموت قالولي ما اتجوّز إبنك ها هوي اتجوّز بيروت".. ومن يوما بو جرجي غاب واحد بس المرة شافو بنص الليل وَحَدْ العين سطّر عصخورا إسمين (جـرجي) وبالعالي) بيروت) وما عرفنا بو جرجي وين إلا وبْتمرق سنتين بيحكيلي ضابط لبناني عن ختيار كبير السّــن مدفوع ومقطوع الإيد شــافو عم يزحف لبعيد صــوب الجيش الإسرائيلي والدّنيا شي إنـّـو صبحْ وفجأة وقـّف متل الرمحْ وجندل ستي بسيفو وغنـّـى "جايي يا جرجي استقبلني رحْ تبقى الرّايي مرفوعة السّـكير اللي إسمو بيـّك طـفـّى بدمـّو الأرض وجوعا ولما بيناديه الواجب من سابع سكراتو بيوعا" |
|
نبذة
عن حياة الشاعر..
-
مواليد مرمريتا (جذور عائلته تعود إلى حب نمرة).
-
درس الطب البشري في سوريا وتابع تخصصه في (نقل الدم وأمراضه) في أميركا.
-
يعمل حالياً في كندا.
-
أسس جوقة الوادي للزجل في أواخر الثمانينات 1989 وأقام بضع حفلات في منطقة الوادي.
-
شارك في عدة مهرجانات ثقافية في مرمريتا، حمص وعلى مدرجات جامعة حلب.
|
|
|
|
|
WEBMASTER : AA-ALSAAD
|
|
This Web Site Programmed and
Written By ABD ALMASSIH JAMIL ALSAAD
..... Copyright 2003 (C) SCOPNET All
Rights Reserved
|
ليست هناك تعليقات:
إرسال تعليق