مجلة السنونو (
العدد السابع ) -
زجل من الوطن المقيم
|
|
سفر (
نبيل ملاح )
|
|
سَفــــــــَر
نبيل ملاح
بُكْـرَه يـا بِنْتــي أنْ كـان بَيِّـك وَدَّعِــك
تاركِــكْ بيكــون تـَ يْسابِــق زَمَــن..
حامِــل صَليبـو جِلْجْلِـه وقَلْبـــو مَعِــكْ
قاصِـد يْعـَوِّض عُمْــر وِخْسـارِة وَطَــن..
لَكِن يا بِنْتـي العُمـْــر شــو بيعَوّضــو؟
الأجيــال لِلأَجيـــال عَمْتِنْــدَه: تَعــي.
العالَــم بعِلْــم العِلْــم عَمْيتْرَوّضـــوا
وْنِحــنا بِحَــرْق بْلادْنــا عَمْنِدِّعـــي..
الـ
بيخَــرِّب بْـلادو بْجُنـون وْرُعْــب
الإِجــرام رَبّــــو.. القَتْــل بِدَمّــو..
مَهْمـا ادَّعـى إنّــو وَصــي عَ الشَعْــب
غَيـــر الدَنــي مــا فَظَّــع بْإِمّــو..
بَيّـي يـا بَيـّي.. العُمْـر نـاس تْــروح
وْنـــاس بْتِجـي.. وْكِــلّ الدِنـي دولاب..
وْلَمّـا الوَطَـن بيصيــر كِلّــو جْــروح
بيصيــر شَعْبــو مْشَــرَّد وْمَدْبــــوح
مْفَرْفَــط بِقَهْــرو وْبِالدِنــي مَشْـلــوح..
وْلَمّا الوَطَـن بيضيع.. بْتيبَـس بِشَعْبـو الروح..
بيصيـر كِلّ الكَـون مَسْكَـن إِلـو بْـلا اْبْـواب
مْـنِ دْيـاب يِهْـرُب خَـوف تـَ يِلْتِجي لَدْيـاب..
|
|
WEBMASTER : AA-ALSAAD
|
|
This Web Site Programmed and
Written By ABD ALMASSIH JAMIL ALSAAD
..... Copyright 2003 (C) SCOPNET All
Rights Reserved
|
ليست هناك تعليقات:
إرسال تعليق